Bank FY 2081-82 Q3 Unaudited Report

 Rev/Updated: 1 May 2025, 12:33 NST

विभिन्न संचारमाध्यमबाट संकलित बैकहरूकाे अाव २०८१–८२ काे तेस्राे त्रैमासकाे अन्तिम लेखापरिक्षण नभएका प्रारिम्भक वितिय विवरणहरू । लेखापरिक्षण र नियामकीय व्यवस्था र स्वीकृति हुँदा प्रकाशित विवरणका अंकहरू परिवर्तन हुनसक्नेछन्, त्यसैले वार्षिक मुनाफा, वितरणयाेग्य मुनाफा, संचित मुनाफा हेर्दै लगानी व्यवस्थापन र निर्णय गर्दा विगत र सम्भावित अवस्थालाई विशेष ध्यान दिनु र सजग हुनैपर्छ ।

तेस्राे त्रैमास अाइपुग्दा मूलतः असुलीमा केहि सुधार हाेकि देखिएकाे छ । वितरणयाेग्य मुनाफा अझै ऋणात्मक देखिएता पनि सुधार देखिन थालेकाे छ । बैक विशेष हेर्दा हिमालयन र कुमारीकाे पुँजीकाेष निकै कमजाेर र संचित नाेक्सानी बढेर हिमालयनकाे झण्डै ७.३६ अर्ब र कुमारीकाे ६.५ अर्ब पुगेकाे छ । यस त्रैमाससम्ममा नेपाल इन्भेष्टमेन्ट मेगाले भने संचित नाेक्सानी २.८६ बाट १.१ अर्बमा घटाउँदै उल्लेख्य सुधारकाे संकेत गरेकाे छ । पूँजीगत क्षमता तर्फ ३७९.८९ अर्बकाे चुक्ता पुँजी र ७२५.७९ अर्बकाे कुल इक्विटी हुँदा पनि HBL, KBL, LSL, NABIL, PCBL, SBL र RBB काे कुल पुँजीकाेष (Tier II)  १२ भन्दा मुनि छ । प्राथमिक पुँजीकाेष तर्फ KBL काे ७.३१% र HBL काे ८% जुन नियामकीय मापदण्ड ८.५% भन्दा कम भैसकेकाे छ भने  CZBIL, MBL, PRVU मापदण्ड नजिक छन् । यसले कुमारी र हिमालयनले चालु अावमा वितरणयाेग्य नाफा भइहाले पनि लाभांस बाँड्न पाउने छैन् । हुनतः अहिलेका तथ्यांकहरू अावकाे समाप्ति हुँदै लेखापरिक्षण हुँदासम्म परिवर्तन हुने सम्भावनाले बैंकहरूकाे वास्तविक अवस्था निर्क्याैलै भने गर्न सकिन्न ।

समग्रमा बैकहरूले ग्राहकहरूलाइ ४६.२५ खर्ब कर्जासापटि प्रवाह गर्दै करिव ३७३ अर्ब ब्याज आयबाट ब्याज खर्च कटाएर करिव १४० अर्ब खुद ब्याज कमाए तापनि सम्भावित नाेक्सानीकाे लागि व्यवस्था (ईम्पेरिमेन्ट चार्जेज)  करिव ३५ अर्ब, संचालन खर्च, आयकर कटाउँदा केवल ४१.२५ अर्ब मात्र खुद नाफा भएकाे छ । अझ यहि खुदनाफाबाटै साधारण जगेडाकाेष, कर्मचारी वृत्तिविकास, सामाजिक उत्तरदायित्वसँगै नउठेकाे ब्याज, गैरबैंकिग सम्पत्तिमा सम्भावित नाेक्सानीका लागि व्यवस्था आदिकाे लागि रकम छुट्याउँदा सेयरधनीलाई बाँड्नमिल्ने पैसा नै छैन, बरू वितरणयाेग्य मुनाफा त १.६८ अर्ब नकारात्मक नै छ । सबैभन्दा बढि हिमालयनकाे संचित नाेक्सानी ७.३६ अर्ब, कुमारीकाे ६.५ अर्ब, एनआईसी एसियाकाे ३.५७ अर्ब, प्रभुकाे ३.४ अर्ब, एनआईएमबीकाे १.१ अर्ब र राष्ट्रिय बाणिज्यकाे १.०२ अर्ब रहेकाे छ ।

कर्जा असुली तर्फ केहि सुधार देखिए पनि अाैसत एनपिएल ४.८३ र हिमालयनकाे ७.६८% सम्म पुगेकाे अवस्था छ । तर खुद एनपिएल हेर्ने हाे भने हिमालयनकाे केवल १.९४ रहेकाे छ । यसले खुद एनपिएल नहेरी लगानी निर्णय कतिपय अवस्थामा थप जाेखिमपुर्ण हुनसक्ने सम्भावनालाइ इंगित गर्छ ।

These data's has been tabulated and organized with generous support from Dipak Dahal. Everybody should be thankful to him.

WARNING: I will not be responsible for any loss incurred if/any from the decision with above data though efforts have made for data accuracy.

तेस्राे त्रैमास २०८१–८२ मा बैकहरूकाे विस्तृत मुख्य सूचकहरूकाे तुलनात्मक अवस्था

If PDF required may request by clicking

तेस्राे त्रैमास २०८२–८२ काे बैंकहरूमध्ये पहिलाे, अन्तिम र इन्डष्ट्रि अवस्था

तेस्राे त्रैमास २०८२–८२ काे मुख्य अाधारभूत सुचकहरू

Dilip Screener (EPS, Networth, PE, CAR)

तेस्राे त्रैमास २०८२–८२ मा ग्राहक कर्जा, इम्पेरिमेन्ट, ब्याज सस्पेन्स, एनपिएल हेर्दा

थप सन्दर्भ सामग्री

1. Bank Q3 8081 Unaudited Reports

2. Delving into Q3 2081/82: Performance Analysis of Leading Commercial Banks with Key Financial Insights - || ShareSansar ||

बैकबाट प्रकाशित तेस्राे त्रैमास २०८२–८२ काे अपरिष्कृत वितिय विवरणहरू

Bank Q2 FY 2081-82 Unaudited Report

Rev/Updated: 27 Jan 2025, 16:00 NST

विभिन्न संचारमाध्यमबाट संकलित बैकहरूकाे अाव २०८१–८२ काे दाेस्राे त्रैमासकाे अन्तिम लेखापरिक्षण नभएका प्रारिम्भक वितिय विवरणहरू । लेखापरिक्षण र नियामकीय व्यवस्था र स्वीकृति हुँदा प्रकाशित विवरणका अंकहरू परिवर्तन हुनसक्नेछन्, त्यसैले वार्षिक मुनाफा, वितरणयाेग्य मुनाफा, संचित मुनाफा हेर्दै लगानी व्यवस्थापन र निर्णय गर्दा विगत र सम्भावित अवस्थालाई विशेष ध्यान दिनु र सजग हुनैपर्छ । हालै गत अावकाे साधारण सभा सम्पन्न गरेका बैंकहरू मध्ये केहिले वितरित सेयर लाभांस अनुसार पुँजी समायाेजन गरे वा नगरेकाेमा पनि विशेष चनाखाे हुनुपर्नेछ ।

दाेस्राे त्रैमास अाइपुग्दा मूलतः असुलीमा केहि सुधार हाेकि देखिएकाे छ । समग्र नउठेकाे ब्याज भन्दा असुली बढेकाे छ । वितरणयाेग्य मुनाफा अझै ऋणात्मक देखिएता पनि सुधार देखिन थालेकाे छ । बैक विशेष हेर्दा कुमारीकाे प्राथमिक पुँजी निकै कमजाेर र संचित नाेक्सानी बढेर झण्डै ६.५ अर्ब पुगेकाे छ । समग्र सूचकमा ग्लाेवल अगाडि बढिरहेकाे छ । पूँजीगत क्षमता तर्फ ३७९ अर्बकाे प्राथमिक पुँजी र ७१३ अर्बकाे कुल इक्विटी हुँदा पनि EBL, HBL, KBL, NABIL, NICA, PCBL, SBL र RBB काे पुँजीकाेष १२ भन्दा मुनि छ । प्राथमिक पुँजीकाेष तर्फ HBL, NICA र PRVU काे नियामकीय मापदण्ड ८.५% नजिक छ भने कुमारीकाे ताेकिएकाे मापदण्ड ८.५% भन्दा कम ७.२३% मा झरेकाे छ । यसले कुमारीले चालु अावमा वितरणयाेग्य नाफा भइहालेछ भने पनि लाभांस बाँड्न पाउने छैन् । हुनतः अहिलेका तथ्यांकहरू अावकाे समाप्ति हुँदै लेखापरिक्षण हुँदासम्म परिवर्तन हुने सम्भावनाले बैंकहरूकाे वास्तविक अवस्था निर्क्याैलै भने गर्न सकिन्न ।

These data's has been tabulated and organized with generous support from Dipak Dahal. Everybody should be thankful to him.

WARNING: I will not be responsible for any loss incurred if/any from the decision with above data though efforts have made for data accuracy.

दाेस्राे त्रैमास २०८१–८२ मा बैकहरूकाे विस्तृत मुख्य सूचकहरूकाे तुलनात्मक अवस्था

Anyone wish to have PDF version click

दाेस्राे त्रैमास २०८१–८२ मा पहिलाे, अन्तिम र इन्डष्ट्रि अाैसत

दाेस्राे त्रैमास २०८१–८२ मा मुख्य सूचकहरू

Dilip Screener (EPS, NETWORTH, PE, CAR)

थप सन्दर्भ सामग्री

1. Bank Q2 8081 Unaudited Reports

2. ShareSansar: Performance Analysis of A-Class Banks in Q2 2081/82: Key Financial Metrics and Insights

3. NepseAlpha: वाणिज्य बैंकहरुको दोश्रो त्रैमासिक रिपोर्ट अनुसार Ranking मा एभरेष्ट बैंकको अग्रता कायमै, कुमारी बैंक पुच्छारमा

दाेस्राे त्रैमास २०८१–८२ काे प्रकाशित विवरणहरू

Bank KFI FY 2081-82

 KEY FINANCIAL INDICATORS of BANKS FOR FY 2081-82

नेपाल राष्ट्र बैंकबाट हालै प्रकाशित त्रैमासिक पुजिकाेषकाे तथ्यांक अनुसार आव 2081-82 पुजीकाेषकाे अवस्था तालिकामा दिईए अनुसार छ । नियामकीय व्यवस्था अनुसार CCAR 8.5% (Tier 1) र CAR 11.0% (Tier 2) कायम गर्नुपर्नेछ ।  लगानीकर्ताहरूले ताेकिएकाे CCAR नपुगेकै कारण एनआईसी एसियाले आव 2077-78 र 2078-79 मा तथा माछापुच्छ्रे, लक्ष्मी र सनराईजले 2078-79 मा लाभांस बाँड्न नपाएकाे बिर्सनु हुन्न । अझ नियामकले पुजीकाेष सम्बन्धी व्यवस्था पालना नगरेकै कारण एनआईसी एसिया र नबिल बैंकलाई सचेत समेत गराएकाे छ । 

पुजीकाेषकाे अवस्थाले नै बैंकमा थप पुँजीकाे आवश्यकतालाई उजागर गर्ने हुँदा मुनाफाबाट सेयर (बाेनस) वा नगद लाभांसकाे सम्भावना अनुमान गर्दै लगानी व्यवस्थापन गर्न सघाउँछ ।

२०८१ भदाै ११ गते नेरा बैंकबाट जारी परिपत्र ३ अनुसार भने अाव २०८१–८२ का लागि काउन्टर साइक्लिकल बफर शून्य प्रतिशत कायम गरिएकाे छ । जसले कर्जायाेग्य रकम भएका तर पुँजीकाेषकाे दवावका कारण कर्जा विस्तार गर्न नसकेका बैंक तथा वित्तिय संस्थाहरूका लागि कर्जा प्रवाह केही सहजता हुनेछ । यसकाे साथै बैंकहरूले विशेषगरी प्राथमिक पुँजीकाेषका लागि अविमाेच्य असंचित अग्राधिकार सेयर (Irredeemable Non-cumulative Non-convertible Preference Share) पनि जारी गर्न सकिने व्यवस्था भएकाे छ । पुँजीकाेष व्यवस्थापनका लागि नेरा बैंकले असल कर्जामा नउठेकाे ब्याज (Interest Suspense) लाइ टायर टुमा गणना गर्न पाइने व्यवस्था गरेकाे छ ।

अाव २०८१–८२ काे पुस मसान्तसम्मकाे तथ्यांकले कुमारी बैंककाे प्राथमिक पुँजीकाेष (CCAR) करिव १.२७ ले कमी अाइसेकाे छ भने हिमालयन, एनअाइसी एसिया र प्रभुकाे मापदण्डकाे न्यूनतम सीमा नजिकै देखिन्छन् । जहाँसम्म कुल पुँजीकाेष (CAR) तर्फ एभरेष्ट, हिमालयन, कुमारी, नविल, एनअाइसी एसिया, प्राइम, राष्ट्रिय बाणिज्य र सिद्धार्थ समेत ८ बाणिज्य बैंक दवावमा देखिन्छन् । यसरी बैंकहरूकाे पुँजी बढि भयाे भन्दै गर्दा जाेखिममा अाधारित पुँजी पर्याप्तता निकै कमजाेर देखिनाले व्यवसाय खुम्च्याउने वा थप पुँजीकाे जाेहाे गर्ने दवावमा पुगेका छन् ।

Bank KFI for FY 81-82 till Q2

Q1 PDF from NRB website

Q2 PDF from NRB website

1. Bank KFI FY2080-81

2. Bank KFI FY2079-80

3. साभार लेखः फरक वित्तीय विवरण राख्ने १६ बैंकलाई ३ प्रतिशतसम्म ‘क्यापिटल चार्ज’!साभार लेखः फरक वित्तीय विवरण राख्ने १६ बैंकलाई ३ प्रतिशतसम्म ‘क्यापिटल चार्ज’!