updated 12 Nov 2026
26.07.83
1330 NST
हुनतः आर्थिक वर्षकाे पहिलाे त्रैमास वार्षिक आयका हिसावले अति महत्वपुर्ण नहुन सक्छ, तर बलियाे सरकार, बजार मैत्री कर नीति, नियामकीय सहजीकरणले उल्लेख्य सुधारकाे अपेक्षा भईरहँदा हालैकाे भाेटेकाेशी प्रलय भाेगेकाे पहिलाे त्रैमासमा बैकहरूकाे अवस्था मुनाफा अंकमा अपेक्षाकृत केहि सुध्रिद देखिएका छन् । ब्याज र कर्जा उठाउने समयमा देशले भाेगेकाे प्रलय र मुख्य चाडबाडले व्यवसाय विस्तार र कर्जा उठ्तिमा असहजता बैकिग क्षेत्रका लागि सुखद थिएन । यति हुँदा पनि सम्भावित नाेक्सानीमा आएकाे कमीले नाफा केही बढेकाे छ भने ब्याज मुल्तविमा केही भएपनि सुधार देखियाे । यसपटक ८ बैंकहरूले पहिलाे त्रैमास भित्रै साधारणसभा सम्पन्न गरि लाभांश समेत वितरण गरेर सुशासनमा दरिलाे पाईला चाले ।
विभिन्न संचारमाध्यमबाट संकलित बैकहरूकाे अाव २०८२–८३ काे पहिलाे त्रैमासकाे अन्तिम लेखापरिक्षण नभएका प्रारिम्भक वितिय विवरणहरू प्रस्तुत गरिएका छन्। प्रकाशित तथ्यांकहरूलाइ एकरूपताका ल्याउँदा केहि बैकका तथ्यांकमा सामान्य फरक पनि हुनसक्छ । लेखापरिक्षण र नियामकीय व्यवस्था र स्वीकृति हुँदा प्रकाशित विवरणका अंकहरू परिवर्तन हुनसक्नेछन्, त्यसैले वार्षिक मुनाफा, वितरणयाेग्य मुनाफा, संचित मुनाफा हेर्दै लगानी व्यवस्थापन र निर्णय गर्दा विगत र सम्भावित अवस्थालाई विशेष ध्यान दिनु र सजग हुनैपर्छ ।
कतिपयले हालै आव २०८२–८३ काे साधारण सभा सम्पन्न गरेका बैंकहरू र नगरेका बैंकहरूकाे वितरणयाेग्य मुनाफा एकै टाेकरीमा राखेर तुलना गरेर तुलनात्मक अंकहरू प्रस्तुत गर्दै विवेचना गरेकाे देखियाे । तर यस्ता अंकहरूकाे साेझाे तुलनाले कतिपय अवस्थामा गलत निर्णयमा पुगिने जाेखिम रहन्छ । अझ एउटै बैंककाे पनि गत वर्षकाे लाभांश वितरण अगाडि संचित नाफा यस वर्ष लाभांश बाँडेपछिकाे संचित नाफा तुलना गलत हुनेछ । त्यसैले वार्षिक सम्भावित लाभांश क्षमता वा संचित मुनाफालाइ लगानी र पाेर्टफाेलियाे व्यवस्थापनकाे अाधार बनाउँदै गर्दा विशेष ध्यान दिनु पर्नेछ । धेरै लगानीकर्ताहरूकाे ध्यान जाने वितरणयाेग्य मुनाफामा ननक्युमुलेटिभ पर्पेचुअल प्रिफरेन्स सेयर (अविमाेच्य असंचित अग्राधिकार सेयर)मा ताेकिएकाे लाभांसकाे हिस्सा र डिबेन्चरकाे लागि अावश्यक व्यवस्थाले पनि वास्तविक क्षमतामा फरक पर्नेछ, त्यस अवस्थामा प्रकाशित तथ्यांककाे अाधारमा लगानी निर्णय, तुलना गर्दा निकै सजग हुनुपर्छ ।
यस वर्ष बैकहरूकाे व्यवसाय विस्तार निकै सुस्त देखिएकाे छ । जसकाे प्रत्यक्ष प्रभाव खुद ब्याज अाम्दानीमा परेकाे छ । कर्जा ३.६९ खर्ब (७.७%)ले बढेर ५१.०७ खर्ब पुग्दा खुद ब्याज केवल ५० कराेड (१.०१%) हाराहारीले बढेर ४९.६८ अर्ब पुगेकाे छ । हाे, बैंकहरूकाे इम्पेरिमेन्ट चार्ज भने ९ अर्ब (४४.६९%) हाराहारीले उल्लेख्य घटेर ११.१ अर्ब कायम हुँदा खुद नाफा करिव ४५.६ प्रतिशतले बढेर १९.१५ अर्ब पुगेकाे छ । यहाँ बिर्सन नहुने अर्काे पाटाे, बैकहरूमा शेयरधनीकाे इक्विटी ६.५ प्रतिशतले बढेर ८.११ खर्ब रूपैयाँ पुगेकाे छ । यति धेरै लगानीमा मुनाफा रकममा धेरै देखिएता पनि वास्तविक प्रतिफल दर केवल ९.४३ प्रतिशत रहेकाे छ । अझ समग्र नाफामा सुधार देखियाे भन्दै गर्दा केहि बैंककाे बढ्दाे घाटा र संचित नाेक्सानीले बैंकहरूकाे संचित नाेक्सानी बढेर १२.१६ अर्ब पुगेकाे छ, जुन गतवर्ष १४ अर्ब बढि नाफामा थियाे । एनअाइसी एसियाकाे संचित नाेक्सानी चुक्ता पुँजीभन्दा बढि १५.४० अर्ब, हिमालयनकाे ९.८० अर्ब, प्रभुकाे ६.७९ अर्ब, एनआइएमबीकाे ५.१६ अर्बले समग्र संचित नाेक्सानी बढाएकाे छ । इम्पेरिमेन्टमा सुधारसँगै इन्टरेस्ट सस्पेन्स (ब्याज मुल्तवि) रकममा २.९ अर्बले घटेर ५.४१ अर्ब कायम भएकाे छ तर समग्र वितरणयाेग्य रकम ९.०७ अर्बले नेगेटिभ छ । यसमा पनि उल्लेख्य संचित नाेक्सानी रहेका बैकहरूकाे याेगदान रहेकाे छ । दुखद कुरा चाहिँ घटेकाे ईम्पपेरिमेन्ट र ईन्टरेस्ट सस्पेन्सनकाे सकारात्मक प्रभाव वितरणयाेग्य मुनाफा र संचितिमा परिणत हुनसकेन कि? सिद्धार्थ बैंककाे संचिति र वितरणयाेग्यमा उल्लेख्य फरक रकम देखिन्छ, जसकाे कारण डिबेन्चर रिडेम्प्सन रिजर्भबाट फिर्ता रकम हाे । हुनतः यस त्रैमासमा एनअाइसी एसियाकाे १.९४ अर्ब, हिमालयनकाे २.५७ अर्ब र सिद्धार्थकाे २.५ अर्बका थप डिबेन्चर मेचुअर भएका छन् ।
These datas has been tabulated and organized with generous support from Dipak Dahal. Everybody should be thankful to him.
WARNING: I will not be responsible for any loss incurred if/any from the decision with above data though efforts have made for data accuracy.
प्रथम त्रैमास २०८३–८४ मा बैकहरूकाे मुख्य सूचकहरूकाे अवस्था
प्रथम त्रैमास २०८३–८४ मा पहिलाे, अन्तिम र इन्डष्ट्रि अाैसत
Key Indicator for Banks FY 2083-84 Q1
थप सन्दर्भ सामग्री
