१९ फाइनान्स कम्पनीको यस्तो छ ५ वर्षको लाभांश इतिहास

27 Jan,2020

नेपाली पैसा

काठमाडौं : पछिल्लो समय फाइनान्स कम्पनीहरुको संख्या क्रमशः घट्दै गएको छ । अधिकांश फाइनान्स कम्पनीहरु वाणिज्य बैंक तथा विकास बैंकसँग एक्विजिसन (प्राप्ति) प्रक्रियामा गएका छन् । केहीको अझै जानेक्रम जारी छ । एकाध भने फाइनान्सहरु बीच नै मर्जर तथा एक्विजिसनमा गएको पनि देखिन्छ । केही फाइनान्स कम्पनीहरुले वाणिज्य बैंकसँग एक्विजिसन सम्पन्न गरेर एकीकृत कारोबार समेत गरिसकेका छन् । एक्विजिसन प्रक्रियामा रहेका कम्पनीको दोस्रो बजारमा सेयर कारोबार रोक्का रहेको छ । 

                      हेरौं, १९ फाइनान्स कम्पनीहरुको ५ वर्षे लाभांश इतिहास :

एक्विजिसन प्रक्रियामा रहेका समेत गरी हाल नेप्सेमा १९ फाइनान्स कम्पनीहरु सूचीकृत रहेका छन् । सूचीकृत फाइनान्स कम्पनीको ५ वर्षे लाभांश इतिहास हेर्ने हो भने खासै उत्साहजनक अवस्था देखिंदैन । यता, ६ वटा फाइनान्स कम्पनीहरुले भने ५ वर्षदेखि लगानीकर्तालाई कुनै पनि प्रतिफल दिएका छैनन् । लगानीकर्ताको रोजाईमा आकर्षक लाभांश दिने कम्पनीहरु पर्छन् । फाइनान्स कम्पनीको लाभांश आकर्षक नभएकै कारण दोस्रो बजारमा केहीको सेयर मूल्य आइपीओ भाउ भन्दा सस्तो छ । यस्तै, अधिकांश कम्पनीको सेयर मूल्य २ सय भन्दा मुनि रहेको देखिन्छ ।